Logo
Quen somos Os nosos productos Milhulloa na túa cidade Contacto A Comarca da Ulloa

MILHULLOA S. COOP. GALEGA.   é unha empresa cuxo obxecto social é o cultivo ecolóxico, tanto de plantas medicinais como de hortalizas. Está situada en Palas de Rei (Lugo) á beira do Camiño Frances  ao seu paso pola comarca da Ulloa.Dispón de 10 Ha. de terreo onde realiza o seu propio cultivo, e unha pequena industria onde transforma os seus produtos mediante un proceso de deshidratación.

O uso das técnicas de cultivo ecolóxico dá como resultado produtos de maior calidade para o consumo e axuda a preservar a biodiversidade da contorna. A través dun convenio coa USC obtense un produto final de calidade contrastada.

Milhulloa é a única empresa galega dedicada á produción de plantas aromáticas e medicinais, realizando todo o proceso de elaboración do produto, desde o cultivo até a transformación para a súa venda. Así mesmo, oferta servizos de deshidratación a empresas produtoras de algas, cogomelos e hortalizas.

Outra das actividades que leva a cabo a cooperativa son talleres de cosmética natural, fitofortificantes e propagación de plantas medicinais en ecolóxico. Estes pódense realizar tanto nas nosas instalacións como noutras que dispoña de luz e auga.
           
Milhulloa é socia cofundadora de Coop57 Galiza , desde Maio2009, é unha cooperativa de servizos que destina os seus recursos propios a dar préstamos a proxectos de economía social .

“II PREMIOS AGRARIOS DE GALICIA”. Conselleria de política agroalimentaria e desenvolvemento rural.    1º premio na modaliade de muller rural emprendedora do ano 2003.

“FEIRA INTERNACIONAL SEMANA VERDE DE SILLEDA”.  Accesit na modalidade de inovación. Maio 2004.

“IV PREMIOS A COOPERACIÓN”.   Premio á promoción do cooperativismo. Consellería de traballo. Decembro de 2005.

“3º PREMIO AGADER ÁS INICIATIVAS DE DESENVOLVEMENTO RURAL”, na edición 2006.

“1º PREMIO ÁS ACTIVIDADES PRODUCTIVAS DO MEDIO RURAL POLA SÚA CONTRIBUCIÓN A POSTA EN VALOR DO TERRITORIO HISTÓRICO

"1º Premio de Excelencia á Innovación para Mulleres Rurais do 2010"



Segue as nosas novas en:

facebook




Gracias ao voso apoio o trazado da saída-entrada da autovia Santiago - Lugo vaise cambiar.

Entrada





taller 
           CRAEGA